السلام عليكم ورحمة الله وبركاته دول شوية نكت يارب يعجبكوا
أحلى نكتة
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب
أرخم نكتة مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت
شوية نكت بقى كده
واحد قال لأبوه بابا عاوز أكمل دراستى بره قاله وإيه المشكلة ، قول لأمك تفرشلك فى الحوش بس خد بالك لتبرد.
مرة واحدة حامل ابنها الصغير بيسالها : إيه اللى فى بطنك ده يا ماما قالتله : ده أخوك يا حبيبى ...............تانى يوم وهو فى المدرسة المدرس سأله : إنت عند أخوات ؟ قاله : كان عندى واحد بس ماما كلته .
في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ
مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب .
توأم بيقول لأخوه التوأم وهو متنرفز إنت كنت فين ياعم أمك حمتنى مرتين.
تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة.
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
مره اتنين طلبه مساطيل قاعدين يكتبوا ورا الاستاذ فى املحاضره وكل ما الاستاذ يمسح السبوره يقطعوا الورقه!!!!
مره اتنين مساطيل بيحششوا فواحد بيقول لصاحبه شايف النمله اللي فوق الجبل رد التاني وقاله اي واحده المغمضه ولا المفتحه
يارب يارب النكت دى تعجبكوا وماتطلعش بايخة وعليكم السلام ورحمة الله وبركاته
dangerous
عدد الرسائل : 61 تاريخ التسجيل : 12/09/2007
موضوع: رد: نكت جميلة السبت أكتوبر 20, 2007 6:58 am
الرئيسية 
أحدث الصور 
التسجيل 
دخول 
السبت أكتوبر 20, 2007 6:44 am
