نهاية حب الانترنت

عدد الرسائل : 61 تاريخ التسجيل : 12/09/2007

السلام عليكم ورحمة الله وبركاته
دى يوميات زوجين اتجوزو من علي الشات ...بس الشات لحس مخهم خاالص

الجزء الاول (بعد التعارف ).
بعد التعارف على النت قرروا يتقابلو ....

هي : حبيبى انت جيت ؟

هو : ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت ..ده سؤال يا سوسو ؟

هي : آسفةيا حبيبي .. اصل فرحتى بظهورك طيرت عقلى

ها ..قوللى بقى

عملت ايه امبارح لما خرجت انا اوف لاين ؟

هو :معملتش حاجة ابدا ... قعدت فى رووم اسمه اغانى ..

هي: آه , واظن الست دلوعة كانت موجودة ..

هو : وحياتك كانت موجودة بس عملتلها بلوك ...

هي :ممممممم
يعنى مكلمتهاش

هو : لا .

هي: ولا حتى هاى.

هو : لا هى سلمت عليا فى الرووم قبل ما اعمللها بلوك و انا قلتلها برب

هي :اها
طب كويس يا ريت تعمللها ديليت خالص من الليست

هو :عينيه يا حبيبتى انتى تؤمرينى بس

**********

الجزء التانى ( بعد الجواز )

هو : أخيرا يا حبيبتى اتجوزنا واتقفلت علينا رووم واحدة

هي : ايوة يا حبيبى أخيرا
بس مال الصوت بيقطع هنا ليه ؟

هو : يا ستى واحنا هانعوز الصوت فى ايه
اعملى ميوت

هي : ههههههههه
على رأيك...

هو : باقولك ايه ؟

هي : ها

هو : عملتى باس وورد للروم , احسن نلاقى الناس جاية

هي : اطمن عملت باس وورد طبعا و لا يهمك
بعدين انت بقيت رجل البيت يعنى اى حد مش على مزاجك
بلوك على طول

**********

الجزء الثالث (يوم الطلاق)
انتى يا ولية .. ولية

هي : أنا ولية ..
انت ناسى أد ايه حفيت عليا فى الروومات و الماسينجرات ؟
ان كنت ناسى افكرك

هو : كان يوم اسود ياختى يوم ما عملتلك آد "add"
يا ريتنىكنت برب"brb" و لا ديس كونيكت مكنتش شفت خلقتك

هي : نعم نعم
مالها خلقتى .. مش كنت بتموت عشان تشوفنى على الكام
وكل شوية تقوللى فين كامك

هو : كنت أعمى و أضبش و أطرش .. ارتحتى

هي : يا خاين يا غدار
يخونك اللى بيننا؟ ده احنا بيننا روومات و هىء ومىء و دوت و كوم
يخونك الإنفيتات اللى كنت بابعتهالك عشان تبقى جنبى فى الروومات
خلاص نسيت الإيميلات و السهرات ؟
انت أكيد فى مخك فيروس عاوز لك فورمات
بقى يرضيكم ياهووووووووو
ياخدنى أون لاين
يرمينى أوف لاين

(منك لله )

من النهاردة انت إنفيزيبل فى حياتى

هو : وانتى ريموف بالتلاتة !!!

Admin عدد الرسائل : 65 تاريخ التسجيل : 14/08/2007

ههههههههههههههههههههههههههههههههههههههه
مشكور علي الموضوع الجميل
وننتظر المزيــــــــــــــــــــــــــــــــــــد